Газ белән агуланганнар

admin, 3 март 2021 - 12:40

579

Россия гадәттән тыш хәлләр министрлыгының ТР буенча баш идарәсендә хәбәр итүләренчә, Тукай районының Яңа поселогында Мирный урамындагы шәхси йортта газ белән агулану очрагы теркәлгән. Йортта өч кеше яшәгән. 1954 һәм 1978 елгы хатын-кызлар үлгән, 1981 елгы ир-ат аңына килгән, бүген ул больницада.

Урынга район җитәкчелеге чыкты, хокук саклау органнары хезмәткәрләре һәм газ хезмәте вәкилләре эшли. «Хәзерге вакытта фаҗиганең сәбәбе ачыклана, тикшерү бара», – дип белдерде район прокуроры Айрат Галимәрдәнов.