Фермерлар һәм эшмәкәрләр конференциягә чакырыла

1 февраль көнне хакимият бинасында район фермерларының һәм эшмәкәрләренең чираттагы конференциясе үтә. Очрашуда район башлыгы Васил Хаҗиев та катнаша.

Көн тәртибенә кертелгән беренче сорау буенча - крестьян-фермер хуҗалыкларының 2015 елгы эш нәтиҗәләре, киләсе елга бурычлары хакында район фермерлар һәм крестьян хуҗалыклары ассоциациясе рәисе Минталип Миңнеханов чыгыш ясаячак. Ул шулай ук авыл хуҗалыгы җитештерүчеләренә 2016 елда ярдәм чаралары, кредитлар алу хакында мәгълүмат бирәчәк. Конференция ахырында Россия һәм Татарстан фермерлар съездларына делегатлар сайланачак.

Очрашу сәгать 10.30да башлана.