Актуаль темага сөйләштеләр

«Тормыш матур» дип исемләнгән программа кысаларында, «Шәфкать» халыкка социаль ярдәм күрсәтү үзәге психологлары Кнәз авылының VIII-XI сыйныф укучылары арасында махсус дәрес үткәрделәр. Чара балигъ булмаганнар арасында суицид очракларына, моның ни сәбәпле килеп чыгуына, яшүсмерләрнең көнкүрешенә, нәрсәләр белән кызыксынуына багышлап уздырылды. Балигъ булмаганнар белгечләргә үз сорауларын бирделәр, үзләре үк белгәннәрне сөйләделәр, бер-берсе белән фикер алыштылар. Дәрестә барысы бергә төрле гаиләләрдә тәрбияләнүче 114 яшүсмер катнашты, дип хәбәр итәләр «Шәфкать» халыкка социаль ярдәм күрсәтү үзәге белгечләре.