Күзкәйдә веломарафон узды (фото)

25 август көнне Күзкәй авылында веломарафон үтте. Ул көнне мәдәният йорты янында дәртле музыка яңгырап торды. Узышчылар килүенә төсле флагчыклардан капка куелган иде. Бу веломарафонда Тукай районы авылларыннан яшь спортчылар катнашты.Көннең кызу булуына карамастан, барлык катнашучылар да көр күңелле иде. Алар кайтып җитүгә кайнар чәй,тәм-томнар, соклар белән сыйландылар. Авылыбызның шәхси кибет тотучы Шайдуллин Р.С. матди ярдәм күрсәтте. Районның спорт hәм яшьләр бүлеге башлыгы Илнур Гәрәев спортчыларны уңышлы килеп җитүләре белән җылы котлады һәм һәрберсенә грамотасы, истәлек медальләре тапшырды, сәламәтлек һәм алдагы елларда да актив катнашырга чакырды. Килгән кунаклар да, спортчылар да бик кәнагать таралышты. Дип хәбәр итә Күзкәй авылы мәдәният йортының сәнгать җитәкчесе Ахметзянова Г. З.