Искәндәр һәм Елена – иң төз атучылар

22 февраль көнне Яңа поселогында ату буенча шәхси-командалы беренчелек һәм район чемпионаты үткәрелде. Ярышларда мәктәп укучылары, төрле оешма һәм предприятие хезмәткәрләре, ветераннар һәм инвалидлар катнашты.

Районның 11 мәктәбеннән барлыгы 12 команда җыелган иде, 75 спортчы көч сынашты. Командалар арасында призлы урыннарны Калмаш, Борды һәм Күзкәй мәктәпләре яулады. Яшүсмерләр арасында иң төз атучылар булып Искәндәр Мингалимов (Калмаш) һәм Елена Симакова (Новотроицкое) танылды, дип хәбәр иттеләр районның яшьләр эшләре, спорт һәм туризм бүлегеннән.