Тәмле кыяр

Бу рецепт буенча тозланган кыяр бик тәмле була, кетердәп тора.

1,5 л лы банкага: кечкенә кыярлар, 3-4 тырнак сарымсак, 2 керән яфрагы, 2 укроп зонтигы, 1,5 аш кашыгы тоз, 1,5 аш кашыгы 9 %лы аш серкәсе, 2 чәй кашыгы шикәр комы.

Кыярларның очларын кисеп, стерильләштерелгән банкага тыгызлап тутырырга. Кайнар су коярга, капкачын ябып, 30 минут тотарга. Аннары суын түгәргә, тагын кайнар су коярга, шулай ук тотарга һәм түгәргә. Һәр банкага тоз, шикәр комы, аш серкәсе, керән яфрагы, сарымсак һәм укроп салырга. Кайнап торган су агызырга һәм тимер капкач белән ябарга. Бер тәүлек калын әйбер белән төреп торкач, базга төшерергә.

Фото bonfit.ru сайтыннан.