Кызыклы һәм файдалы
Суган нигә чери?
Күп бакчачылар суганның черүеннән зарлана. Суган начар саклануның сәбәпләре күп: үстергәндә туфракта азот күп булу, өлгергәндә суны мулдан сибү яки җәй азагы яңгырлы килү яисә җыярга соңга калу.
Җыярга 1 ай кала суганга су сибүне бөтенләй туктатырга кирәк. Аның сакланышын тиешенчә киптермәү дә начарландырырга мөмкин. Иң элек суганны түтәлгә таратып җилләтергә һәм сортларга аерып, +30...+35 °С температурада киптереп бетерергә кирәк.
Суган чәчәк атмасын өчен, орлыклык суганны дөрес сакларга кирәк. Аны +2 °Ска кадәр яки +18...+24 °Ста саклау киңәш ителә. +16 °Стан кимрәк температурада сакланган суган тиз арада баш җибәрә, уңышын үстерми.
Следите за самым важным и интересным в Telegram-каналеТатмедиа
Нет комментариев