ЛИМОН ПИРОГЫ (РЕЦЕПТ)

автор, 14 ноябрь 2017 - 11:55

925

Сезнең игътибарга өч лимоннан пирог рецептын тәкъдим итәм. Әчкелтем, әмма тәмле булачак. Камыр өчен: 3 йомырка, 300 грамм атланмай, 3 аш кашыгы кибет каймагы, 1 стакан шикәр комы, 5 стакан он, 3 бал кашыгы көпшәкләндергеч. Эчлек өчен: юка кабыклы 3 лимон, 1 стакан шикәр комы, 1 аш кашыгы крахмал. Эш...

Сезнең игътибарга өч лимоннан пирог рецептын тәкъдим итәм. Әчкелтем, әмма тәмле булачак.

Камыр өчен: 3 йомырка, 300 грамм атланмай, 3 аш кашыгы кибет каймагы, 1 стакан шикәр комы, 5 стакан он, 3 бал кашыгы көпшәкләндергеч.

Эчлек өчен: юка кабыклы 3 лимон, 1 стакан шикәр комы, 1 аш кашыгы крахмал.

Эш тәртибе: бүлмә температурасында йомшарган атланмайны онның бер өлеше белән уабыз, йомырка, каймак, көпшәкләндереч һәм калган онны салып яхшылап болгатырга. Йомшак камыр килеп чыга, аны ике өлешкә бүләргә, бер өлешен туңдыргычка куярга. Икенче өлешен майланган табага җәяргә, кырыйлары күтәрелеп торырга тиеш.
Лимоннарны 4-6 кисәккә бүләргә, төшләрен алырга, блендер белән вакларга, шикәр комы һәм крахмал салырга, камыр өстенә җәяргә. Өстенә туңдыргычтан алынган камырны уарга.

Пирогны 180 градуслы мичтә 45 минут пешерергә.

Пирогны суытырга һәм өстенә шикәр оны сибәргә мөмкин.

Чәйләрегез тәмле булсын!