Катлы бәрәңге

Бәрәңге, сыер ите фаршы, суган, сөт, атланмай, тоз, борыч, йомырка һәм каты сыр кирәк.

Бәрәңгене пешерергә, чама белән тоз, атланмай, кайнар сөт салып төяргә.

Табада ит белән суганны кыздырырга, тоз сибәргә. Аннары майланган табага бәрәңге боламыгының яртысын салып, тигезләп җәяргә, өстенә кызган фарш белән суганны салырга һәм янә боламык җәяргә.

Сырны эре угычтан уарга, 1-2 чи йомырка салып болгатырга һәм бәрәңге боламыгы өстенә җәяргә.

Ит белән бәрәңге яратучылар өчен менә дигән ризык.

Фото vipest-okna.ru сайтыннан.