Кабак бәлеше пешәрәбез

Май, шикәр салып изгән әче камырны җәяләр дә өстенә эчлек салалар, өстенә җәеп икенче җәймә каплыйлар. Камыр кырыйларын чеметеп тоташтыралар, өстенә валчык сибәләр яисә йомырка сөртәләр һәм духовкага куялар.

Эчлек әзерләү: өлгергән каты кабакны урталай ярып эчен чистарталар, кабыгын әрчиләр, аннары вак кына турыйлар. Тоз сибеп бераз тоталар, иләккә салып суын саркыталар. Кабакка бүрттерелгән дөге, вак кына тураган йомырка, йөзем, эретеп май, шикәр комы өстиләр һәм әйбәтләп болгаталар. Духовкада 1 сәгать пешерергә.

Бер бәлешкә: он 640г, шикәр комы 35г, сыер мае 30г, тоз 10г, чүпрә 20г, су 260г.

Эчлек: кабак 700г, дөге 100г, бер йомыра, сыер мае 80г, йөзем 150г.