Бәрәңгене калын итеп әрчегез

Бәрәңге - безнең төп ризык. Ул С, В төркеме, Е, D, РР, U витаминнарына, минераль матдәләргә (иң күбе калийга) бай. Калий ионнары кабык тирәсендә күбрәк.

Гыйнварга кадәр бәрәңгене кабыгы белән яки юка гына итеп әрчеп пешерергә мөмкин. Кышның икенче яртысыннан аның кабыгына агулы соланин туплана башлый. Шуңа да жәлләмичә калын итеп әрчергә кирәк.

Бәрәңге бик файдалы, ул шешенүне киметергә булыша. Шикәр авыруыннан интегүчеләр бәрәңгене чикләргә тиеш. Чөнки анда крахмал күп. Әрчегәч бәрәңгене ике сәгать салкын суда тотарга кирәк. Бу крахмалны киметергә булыша.