Бозлы яңгырдан соң

Кышын бозлы яңгыр, юеш кар яугалый. Бакчаларга мондый куркыныч аеруча кыш башында еш янарга мөмкин.

Юеш кар агачларны сара, ул ботакларны сындырырга мөмкин. Бураннан соң чыгып, карны сак кына селкеп төшерегез.

Бозлы яңгыр - иң куркынычы. Ул ботакларны үтә күренмәле авыр тышча белән әйләндереп ала. Бозлы элпә астында калган бөреләр сулый алмый, бу озак дәвам итә икән, һәлак та булырга мөмкиннәр. Яшь агачларга зур куркыныч яный, аларга булышырга кирәк.

Ботакларны сак кына турайтырга тырышыгыз. Ботакларның сыну куркынычы бар, аларны вакытлыча бергә бәйләп торырга була. Бозны эретергә маташмагыз, бу агачларга тагын да зуррак зыян салачак. Көннең азрак җылытуын көтәргә һәм бозны сак кына суккалап төшерергә кирәк.