Баклажанда пицца

Кирәк: 1әр баклажан, помидор һәм сосиска, 50 г каты сыр, 1 чәй кашыгы соя соусы, 1 аш кашыгы үсемлек мае, тәменчә тоз, борыч.

Баклажанны 1 см калынлыкта түгәрәкләп турарга. Савытка салып, аз гына тоз сибәргә һәм 15-20 минут тотарга. Баклажан түгәрәкләрен пергамент кәгазь җәелгән өслеккә куеп, 5 минут пешерергә. Сосисканы вак итеп турарга. Вак итеп туралган сыр, помидорны кушарга. Аерым савытта үсемлек маена соя соусын кушарга. Баклажан түгәрәкләрен алырга. Өсләрен соя соусы һәм үсемлек мае катнашмасы белән майларга. Эчлекне салып, 5-7 минут духовкада пешерергә.