Җәяүлене бәрдереп һәлакәт урыныннан качкан машина йөртүче табылды

12 мартта Яр Чаллы - Зәй - Әлмәт трассасының Биклән борылышы тирәсендә билгесез машина йөртүче ярамаган урында юл аша чыккан 40 җәяүле ир-атны бәрдереп, һәлакәт урыныннан качкан иде. Алынган җәрәхәтләреннән җәяүле фаҗига урынында ук үлде. 14 мартта машина йөртүче табылды, дип белдерә район буенча ЮХИДИ бүлеге башлыгы Шамил Ганиев. Бәрдерүче - Яр Чаллыда яшәүче 39 яшьлек ир-ат. Ул «КАМАЗ» машинасында булган. Йөртүче бүгенге көндә үз гаебен таныган. Фаҗига урыныннан качып китү сәбәбен ул шок хәлендә калдым, курыктым дип аңлаткан. Әйтергә кирәк, ир-ат ике көн эчендә автомобилендәге җинаять эзләрен капларга, фараларын алыштырырга өлгергән. Хәзерге көндә әлеге хәл буенча тикшерү эшләре бара.

Фото http://bk55.ru сайтыннан алынды