Көн үзәгендә
Прокуратура мәктәп ашханәләрен тикшерәчәк. Район башлыгы ата-аналарны да бу эштә актив катнашырга чакырды
Үзебезнең районда «Чаллы яшелчәсе» хуҗалыгы үстерә торган кәбестә Чаллы, Алабуга, Менделеевск мәктәпләре ашханәләренә озатыла. Ә район мәктәпләренә бу төр яшелчә читтән китерелә. Ул продукциянең сыйфаты яхшырак булса бер хәл әле. - Мәктәп ашханәсенә түбән сыйфатлы азык-төлек китерелү турында хәбәрләр бар. Тендер, конкурслар аша үткән бар тәэминатчы да югары сыйфатлы азык-төлек...
Үзебезнең районда «Чаллы яшелчәсе» хуҗалыгы үстерә торган кәбестә Чаллы, Алабуга, Менделеевск мәктәпләре ашханәләренә озатыла. Ә район мәктәпләренә бу төр яшелчә читтән китерелә. Ул продукциянең сыйфаты яхшырак булса бер хәл әле.
- Мәктәп ашханәсенә түбән сыйфатлы азык-төлек китерелү турында хәбәрләр бар. Тендер, конкурслар аша үткән бар тәэминатчы да югары сыйфатлы азык-төлек белән тәэмин итә дигән сүз түгел. Үзебездә җитештерелгәне югары сыйфатлырак булуы көн кебек. Балалар сәламәтлеге өчен без турыдан-туры җаваплы. Мәктәп ашханәләрен шушы җирлектә җитештерелгән продукция белән тәэмин итү юлларын эзләргә кирәк, - диде район башлыгы Васил Хаҗиев атналык киңәшмәдә.
Район прокуратурасы әлеге җәһәттән мәктәп ашханәләрендә тикшерүләр үткәрәчәк. Район башлыгы бу мәсьәләдә ата-аналар комитетларын актив катнашырга чакырды. Балаларны сыйфатсыз азык белән тукландыру очраклары булса, алар прокуратурага турыдан-туры мөрәҗәгать итә ала. Бу мәсьәләне тикшерү район башлыгы урынбасары Люция Әхмәтовага йөкләнде.
фото http://itar-tass.com сайтыннан алынды
Следите за самым важным и интересным в Telegram-каналеТатмедиа
Нет комментариев