Иштирәк өчен 2023 нче ел уңышлы булды
Иштирәк авыл җирлеге башлыгы Гөлнара Сәүбән кызы Гарифуллина чыгышы буенча нәкъ шундый фикер туа. Район башлыгы Фаил Камаев бу фикерне хуплады. «Авыл җирлеге башлыгыннан уңдыгыз. Четерекле, күп вакыт һәм көч сарыф ителә торган вазыйфа башкаруына карамастан Гөлнара Сәүбәновна иҗтимагый эш тә алып бара, мәдәни чараларда актив катнаша. Горурлана аласыз, ул – үрнәк лидер», – диде. Җыенга килгән авыл халкы бу сүзләрне алкышлап кабул итте.
