14 сентябрь 2022 яңалыклары

• 14 сентябрь 2022

  «БуНиБу» Youtube-каналында яңа подкаст урнаштырылды

  Бу чыгарылышта дизайн һәм аның безнең тормыштагы урыны турында сөйләшербез.

  
• 14 сентябрь 2022

  Казанда «Күңел» радиосының 25 еллык концертында Дәниф Шәрәфетдинов җырлаячак

  «Күңел» радиосы бер көндә бер еллык хис-тойгыларга бай булган онытылмас мизгелләр бүләк итәргә әзер», - диде Лилия Мәхмүтова.

  
• 14 сентябрь 2022

  Әдәбиятнең зирәк пәйгамбәре

  Якташыбыз, язучы-прозаик, Татарстан Язучылар берлеге әгъзасы Рафис Хәсән улы Сәлимҗанов тиздән үзенең гомер бәйрәмен, 70 яшьлек юбилеен билгеләп үтә.

  
• 14 сентябрь 2022

  Оҗмахларга тиңдер бакчасы

  Авыллар буйлап йөргәндә һәм анда яшәүче халык белән аралашкан чакта, районыбызда никадәр уңган-булган кешеләрнең, кызыклы шәхесләрнең барлыгына һәрвакыт гаҗәпләнәм. Аларның һөнәрләре дә, гаиләләре дә гадәттә шуның кадәр гүзәл вә сокланып туймаслык – кайвакыт күз тимәсен дип, шүрләп тә куясың. Шулай да, бу кешеләрнең уңганлыгын башкаларга да танытасы килү, эчтәге икеле-микеле хисләрне читкә этәреп, кулга каләм тоттыра. Бүгенге язмабыз герое да шундый кызыклы, уңган шәхесләрнең берсе. Аның тыйнаклыгы, гадилеге, тормышка тыныч, фәлсәфи карашы да минем кебек алны-артка карамыйча, язмышны койрыгыннан эләктерергә тырышучы кешене бераз әкренәйтеп, тынычландыра сыман. Моның барысы да Боерган авылында көн итүче оста бакчачы Әгъләм Шәйхетдинов турында.

  
• 14 сентябрь 2022

  Күңелле, файдалы сәяхәт

  Районыбыз имам-мөхтәсибе Җәүдәт хәзрәт һәр елны мәчеткә гыйлем алырга йөрүче балаларны берәр җиргә сәяхәт кылдыра. Хәзрәт аларны узган ел Ижау шәһәрендәге зоопаркка алып барды. Быел исә мөселман балалары 53 кеше Болгарга барып бик тәэсирләнеп кайттылар. Уңайлы зур автобуста юлның ераклыгын да тоймадылар алар. Юлга чыккач, Җәүдәт хәзрәт һәр балага ризыклар өләшеп чыкты. Сабыйлар тәмле печеньелар, сулар белән тамак ялгадылар.

  
• 14 сентябрь 2022

  Игелек тормыш рәвеше

  Тукай районының “Көмеш » волонтерлар оешмасы яшьтәшләренә булыша. - Октябрь аенда безнең районда “Көмеш” исемле волонтерлар хәрәкәте оешуга бер ел тула. Безнең волонтерлар кемнәр алар? Алар-өлкән буын кешеләре, кул кушырып утырмыйлар, ә яшьтәшләре- өлкән яшьтәге кешеләргә күңел җылысын бүләк итәләр, хәйрия акцияләрендә катнашалар. Дөресен генә әйткәндә, элек-электән авыл җирлегендә шулай булган ки, ялгыз, өлкән яшьтәге кешеләргә күршеләр ярдәм итә, аларга килеп йөриләр, саулыкларын белешәләр. Гадәттә моның белән актив тормыш алып баручы пенсия яшендәгеләр шөгыльләнә, - ди район ветераннар, пенсионерлар һәм инвалидлар советы рәисе Фәйрүзә Вәҗиева.

• 14 сентябрь 2022

  Рөстәм Хаҗиев: «Уңышка ирешүнең нигезе – җирне ярату!»

  Татарстан Республикасы авыл хуҗалыгы һәм азык-төлек министрлыгының урып-җыю кампаниясен йомгаклау – быелгы уңыш нәтиҗәләре буенча видеоконференция булды. Видеоконференциядә ТР премьер-министры, авыл хуҗалыгы һәм азык-төлек министры Марат Җәббаров республикабызда урып-җыюның барышы, быелгы уңыш нәтиҗәләре хакында сөйләде. Соңгы ун елда республикабызда рекордлы күрсәткеч – 5,2 миллион тонна уңыш җыеп алынган. Министр: «Республикада 3 миллион 886 мең 395 кеше яши. Халыкны азык-төлек белән тәэмин итү өчен кимендә 350 мең тонна бәрәңге, 78 мең тонна кыяр-помидор, 268 мең тонна ит, 100 мең тонна шикәр комы, 46,7 мең тонна үсемлек мае, 1,3 миллион литр сөт, 1 миллион данә йомырка җитештерелергә тиеш. Социаль азык-төлек продуктлары белән үзебезне тулысынча тәэмин итүне ышанып әйтә алам», – диде. Видеоконференция утырышында республикабызда яхшы дан алган алдынгы хуҗалык – «Ирек» җитештерү кооперативы җитәкчесе – Татарстанның һәм Россиянең «Атказанган авыл хуҗалыгы хезмәткәре» Рөстәм Хаҗиев катнашты һәм чыгыш ясады.