Якты юл
  • Рус Тат
  • 21 сентябрь 2019 яңалыклары

    • 21 сентябрь 2019 - 14:55
      Көз айларында бакча эшләре
      Көзнең дә бер ае үтеп бара. Бакчаларыбызда алмагачлар балланып, миләшләр һәм баланнар алланып, чәчәкләр нурланып, күңелгә рәхәтлек биреп утыра. Күпләр инде өлгергән уңышны җыеп, аны эшкәртеп, саклауга куюны тәмамлады. Ләкин алда салкын кыш. Җиләк-җимеш агачларын кышка әзерләү җәй айларында ук башланса да, төп эшләр, нигездә, сентябрь-октябрь айларында үткәрелә. Чөнки нәкъ менә шушы вакытта киләсе ел уңышына нигез салына. Бу айларда без агачларның кышны исән-имин үткәрүе турында да ныклап уйланырга тиеш.
    • 21 сентябрь 2019 - 13:20
      Балаларны үпкәләмәскә, ата-аналарны сабыйлары белән аралашырга чакырдылар
      «Үземә үзем психолог» программасы кысаларында «Шәфкать» халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлекчәсе психологы Ләйсән Насыйрова Теләнче Тамакның тернәкләндерү интернат-мәктәбендә үпкәләү темасына бик кызыклы чара үткәрде.
    • 21 сентябрь 2019 - 12:45
      Авылым дип җан атып яши
      Көз ахыры. Туңдырган. Көндезен кар эри, кичкә ул бозлавыкка әйләнә, балчыклы җир шакылдап ката. Дөм караңгыда – иртәнге дүртләр тирәсендә, туң җиргә басып сыер савучылар фермага ашыга. Аларның чүчинкә кигән аяк тавышыннан (киез итеккә резин галош кидерелгән аяк киеме) уянам. Сискәнеп китәм: алар урам салкыныннан җылы урынга кермәячәкләр – сыерларның тыны белән генә «җылынган» торакларда эшләячәкләр. Кул белән егерме бишәр сыер савачаклар. Сыерлар алдына сенаж, силос, салам-печән, яшел азык салу, саламны кайнар су белән пешекләп һәм аңа он болгатып башак бирү, су эчерү, малларның асларын чистарту, аннары чиләк, сөт бидоннарын юуу... Бетмәс-төкәнмәс эшләр – барысы да кул хезмәте белән башкарыла.
    • 21 сентябрь 2019 - 11:10
      Үзләре яшь – эшләре җаваплы
      Тынгысыз һәм мәрхәмәтле йөрәк, йокысыз төннәр, кеше гомерен саклап калу өчен көрәш – болар барысы да медицина өлкәсендә эшләүчеләр тормышының аерылгысыз бер өлеше. Мәктәпне тәмамлап һөнәр сайлаганда медицина юлыннан киткән һәр «ак халат» иясе үз өстенә зур җаваплылык ала. Чөнки ул кеше гомере өчен җаваплы. Бары тик үз-үзенә ышанган, көчле рухлы, авыр хәлләрдән чыга белүче, курку белмәгән кыю йөрәклеләр генә бу тармакны сайлыйдыр.
    • 21 сентябрь 2019 - 10:45
      Котыру чиреннән сак булыйк
      Котыру чиренә каршы көрәш көне кысаларында, район ветеринария берләшмәсе хезмәткәрләре 16 сентябрьдән 27сенә кадәр хайваннарда әлеге авыруны кисәтү буенча ункөнлек үткәрәләр.
    • 21 сентябрь 2019 - 08:35
      Минималь хезмәт хакы күпме булыр?
      2020 елда хезмәткә түләүнең минималь күләме 12130 сум тәшкил итәчәк, дип хәбәр итә РФ Хезмәт һәм социаль яклау министрлыгының закон проектына сылтама белән «Российская газета».
    Реклама