4 апрель 2022 яңалыклары
-
Юлларда сак булыгыз
Бу юл-транспорт вакыйгасы 3 апрель көнне Тукай районы биләмәсендә Яр Чаллы-Зәй-Әлмәт юлының 12 чакрымында була. 1981 елда туган БМВ-Х 6 автомобилен йөртүче Лениногорск шәһәре кешесе Яр Чаллы юнәлешендә хәрәкәт иткәндә тиешле тизлекне сакламау нәтиҗәсендә юеш асфальттан каршы юлга чыга һәм юл читенә машинасы белән әйләнеп төшә.
-
«Афәрин!», дип халык алкышлады
Чаллы шәһәренең «Энергетик» мәдәният саренда, республикабыз ветераннары һәм пенсионерларының «Балкыш» – VII республикакүләм фестиваленең алтынчы зона туры үтте. Анда 9 муниципаль берәмлек вәкилләре чыгыш ясады. Бу: Әгерҗе, Актаныш, Алабуга, Менделеевск, Минзәлә, Мөслим, Түбән Кама, Тукай районнары һәм Чаллы шәһәренең өлкән яшьтәге үзешчәннәре һәм мәдәният ветераннары. Тукай районыннан фестивальнең зона өлешенә 12 концерт номеры тәкъдим ителгән иде. Әлеге чыгышларында һәр артист һәм коллектив үзен үзенчәлекле, кызыклы яктан күрсәтте.
-
Киләчәк буынга тәрбия бирү өлкәннәрдән тора
Бөек Ватан сугышы тәмамлануга 77 ел узды. Безнең гаилә архивында бүгеге көнгәчә фронттан килгән ике хат саклана. 11нче сыйныфны тәмамлаганчы кызыбыз белән улыбыз ул хатларны үзләре укыган мәктәпкә алып барып, “Батырлык” дәресләрендә укып, иптәшләренә күрсәтеп тордылар. Бүгенге көндә, әлеге хатларны, карт бабаларының фотосурәтләрен балалары ягъни безнең оныкларыбыз йөргән балалар бакчаларында тематик чараларга багышлап уздырылган бәйрәм-тантаналарга алып баралар. Карт бабаларының фотографияләреннән стендлар ясыйлар.
-
Мин - Бөек Ватан сугышы ветераны
1982 нче елда Җиңү бәйрәменә багышланган тантанага җыелган авыл халкы арасында Миннәхмәт әтисе Муллахмәтне күрмәде һәм ул аның хәлен белеп чыгарга булды.
-
Күңелләргә җылы сукмак - театр
1 нче апрель көнне Теләнче Тамак мәдәният йортында “Алтын битлек” халык театрының 55-еллыгына багышланган кичә булып узды! Мәдәният йортына килеп керүгә, тамашачыларны Габдулла Тукайның Су анасы һәм Шүрәлесе сәламләде. Алар халыкны , театр буенча сәяхәткә алып киттеләр: “55” саны белән тулган зур шар, артистлар төшкән фотосурәт, театр геройларының киемнәреннән, театрның яулап алган уңышларынан күргәзмәләр - барысы да театр тормышы турында “сөйләделәр”. Ярты гасырдан артык гомер кичергән, бүгенге көндә дә эшчәнлеген дәвам итүче халык театрының юбилей кичәсен авыл җирлеге башлыгы Нәҗметдинов Рамил Шәрипҗан улы башлап җибәрде. Ул халык театры белән горурланып, аның үткәне һәм хәзерге көненә йомгак ясады һәм рәхмәт хатлары, буләкләр тапшыру, теләкләр теләү белән дәвам итте.
-
Матвенко яңа бәйрәм көне кирәк, ди
Ул аны 2 апрельдә үткәрергә кирәк дигән фикердә. Россия һәм Беларусиянең берләшү көнен ял дип игълан итәргә кирәк.
-
Эшсез калсаң пособиегә өмет ит
Закон нигезендә, эшсез калучыларга дәүләт ярдәм итә. Моның өчен махсус социаль гарантияләр һәм компенсацияләр пакеты билгеләнгән. Моңа эшсезлек буенча пособие дә кергән. Кайбер очракларда аны түләү вакытын озайтырга да мөмкин, ди Санкт-Петербург Дәүләт университетының хезмәт һәм социаль хокук кафедрасы ассистенты Фатыйма Ногайлиева.
-
Микрозаймга кредит каникулы бирелә
ТР Икътисад министрлыгы каршындагы Эшмәкәрлеккә ярдәм итү фонды бизнеска гамәлдәге микрозаймнар килешүләре буенча кредит каникуллары бирәчәк. Карар санкция шартларында бизнеска финанс йөкләнешен киметү өчен кризиска каршы республика чаралары пакеты кысаларында кабул ителгән. Гамәлдәге микрозайм килешүләре буенча кредит каникуллары түләүләрне 6 айга кадәр туктатып тору мөмкинлеге бирә.
-
Заявкалар кабул ителә
Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалык алып баручы гражданнардан сөтчелек юнәлешендә мини-фермалар төзүгә, товар һәм нәселле таналар һәм бер мәртәбә бозаулаган яшь сыерлар сатып алуга, өч яшьтән зуррак бияләр тотуга, савым сыерлары, ана кәҗәләр һәм кәҗә бәтиләре тотуга чыгымнар өлешен каплау өчен субсидияләр алуга заявкалар кабул итү турында игълан итә. Сайлап алу 2022 елның 29 мартыннан 2022 елның 28 апреленә кадәр үткәрелә.