Бер кайтасы иде яшьлеккә
«Якты юл». Газетаның исеме генә дә ни тора! Басманы кулына алып укыган, анда хезмәт куйган һәр кешегә газета, гүя, бу тормышта туры юлны күрсәтеп, якты юлга дәшеп тора сыман. Райондашларның ничәмә-ничә меңәрләгән кешесенә шушы еллар эчендә күпме мәгърифәт нуры тараткан, аң-белем биргән, рухи азыкка әйләнгән, безнең яраткан газетабыз бит ул! Хәзер дә мин аның һәр санын дулкынланып кулыма алам, аның һәр язмасын укып барам. Редакторы кем генә булмасын, газета, әлбәттә, үз кыйбласына тугры кала, һаман да шул ихласлыгы, ачыклыгы белән үзенә тартып тора. Халык мәнфәгатьләрен кайгырту, аның яшәеш шартларын яхшырту, кыенлыкларын җиңеләйтергә, ярдәм күрсәтергә тырышу һәм башка бик күп мөһим максатларны күздә тотып эш итә басма.
