10 июль 2020 яңалыклары

• 10 июль 2020

  Чит кеше картасы белән түләгән

  Тукай районында яшәүче 47 яшьлек хатын-кыз банк картасы таба. Андагы 7316 сум акчаны кибеттән товарлар алганда тота. Суд әлеге гамәлне чит кеше милкен урлау дип тапты.

• 10 июль 2020

  Әбисенең акчасын урлаган

  Чаллы шәһәрендә яшәүче 26 яшьлек ир-егет Тукай районының бер поселогына әбисенә кунакка кайта. 72 яшьлек әбисенең йокы бүлмәсендә матрац астына акча яшергәнен күреп торган онык, ул күрмәгәндә 20 мең сум акчаны алып чыгып китә. 

• 10 июль 2020

  Гомер бер генә, сөю мәңгелек

  Никахлашучы гөлчәчкәдәй яшь парларны күргәч таң каласың – яшьлек, матурлык, якты хыял-максатлардан очкынланган күзләр! Ә менә ярты гасыр, аннан да күбрәк бергә гомер итүче матур парларны күргәч, аларга карата иксез-чиксез соклану, ихтирам хисләре, һәм, әйтер идем, кызыгу хисләре туа. Үзеннән-үзе: «Их, менә шулай, пар канатлар булып, газиз ярың белән гомер ахырынача кулга-кул тотынып атласаң иде!» – дип күңелеңнән изге теләк телисең.

  
• 10 июль 2020

  Сөт муллыгы үзебездән тора

  «Гигант» хуҗалыгының мөгезле эре терлекләре май башыннан җәйге лагерьда. 2150 баш терлекнең 660ы савым сыерлар. Җәйгелектә болай табигатькә күченеп яшәүне хуҗалыкта кулай күрәләр. Беренчедән, лагерьлар капиталь җиһазландырылган, суыткыч җиһазлар куелган, су скважиналары, терлекчеләр өчен бүлмәләр бар. Белгечләр җәен ачык һавада булу малларның сәламәтлеге өчен файдалы дип исәпли. Көн дәвамында көтүлеккә дә чыгып керәләр. Лагерьга күчү эшне оештырырга да уңай – маллар булмаганда торакларны да кышкылыкка тиешенчә карап-әзерләп кую җайлы. 

  
• 10 июль 2020

  Рәхәт үтсен җәйләре

  Иске Дөреш авылында урнашкан «Балкыш» сәламәтләндерү лагере җәйге каникулда өч сменада эшләячәк. Ул 100 балага хисапланган. Дөньядагы вәзгыятькә бәйле рәвештә, лагерьда экологик юнәлештәге беренче сменада балалар саны кимрәк булды. Бу тиешле дистанцияне саклау, саклык чаралары күрү өчен шулай эшләнде. 

  
• 10 июль 2020

  Тычкан бизгәге ни белән куркыныч? 

  Ниһаять, күптән көтелгән җылы җәй килде. Бу матур көннәрдә кемнең генә өйдә утырасы килер икән? Күпләр бүген җирдә, туфракта эшли. Авыл кешесе тик тормый. Ләкин шуны онытмаска кирәк – бу чорда тычканнар бик активлаша. Соңгы вакытта районда тычкан бизгәге белән авыру очраклары ешайды. Бу чир кайсы ягы белән куркыныч, ул ничек күчә, авырмас өчен нинди профилактика чараларын үтәү мөһим?

• 10 июль 2020

  Маллар тук булачак

  Район хуҗалыкларында терлек азыгы әзерләүнең иң кызган чагы. Терлекчеләр малларны сыйфатлы итеп, төрләндереп ашату турында кайгырта.