Лилия Мәхмүтова автор яңалыклары
-
Тагын коронавирус!..
Быел һич көтмәгәндә дөньябызга ургылып килеп кергән коронавирус тормышыбызны астын өскә китереп үзгәртте. Вирусның алай куркыныч буласына башта бик ышанып та бетмәдек. Кызганыч, бик күпләргә тиде ул, тыныч кына яшәп яткан җирдән якыннарыбызны югалттык. Ник шулай соң? Без адәм балаларына Аллаһы трафыннан җибәрелгән сынау микән әллә бу дип уйлаучылар да аз булмагандыр.
-
Газета да укый, бүләк тә ота
Көтелмәгәндә генә берәр бүләк алсаң күңелле инде ул. Түбән Суыксу авылының «Ак каен» балалар бакчасы мөдире Эльмира Мортазинага нәкъ менә шундый уңыш елмайган бәхетле кешеләрнең берсе. Ул инде биш ел рәттән «ТАТМЕДИА» акционерлык җәмгыятенең газета-журналларга язылу буенча үткәргән бәйгесендә бүләк ота. Эльмира Мортазина белән быелгы җиңүеннән соң да күрешеп сөйләштек.
-
«Ачы күз яшьләре белән китәбез»
Почтасыз калу куркынычы районны танытып торган поселок булган Новотроцкийга да килеп җитте. Биредә коллектив берьюлы эштән китү турында гариза язган. Мондый проблема Тукай районының байтак авылларында күзәтелә. Калмия авыл җирлегендә ике ел дәвамында почта башлыгы таба алмыйлар. Халык күп яшәгән Теләнче –Тамак һәм Биклән авыл җирлекләрендә дә почта хезмәте тиешенчә оештырылмаган – почтальоннар җитми. Без – редакция хезмәткәрләре, укучыларыбызның һәр мөрәҗәгатенә колак салабыз. Новотроицкийда почта ни өчен ябыла соң? Ни өчен почта хезмәткәрләре эш урыннарын ташлый? Монда да сәбәп хезмәт хакы түбән булу, өстәмә товар сатуга мәҗбүр итүме? Мәсьәләгә ачыклык кертү өчен без поселокка юл тоттык.
-
«Рәхмәтле булыйк!» акциясенә син дә кушыл!
Бүген көндә тормышыбызга куркыныч пандемия килеп кергән чорда исән-сау йокыдан уянсаң, Аллаһка шөкер дип уйлап куясың. Кызганыч, коронавирус куркынычына әле дә ышанмаучылар бар. Ә бит табиблар, шәфкать туташлары үз тормышларын аямыйча авырулар гомере өчен көрәшә. Авыруларга беренче медицина ярдәме күрсәтүче фельдшерларга, хастаханәләрдә «кызыл зона»да эшләүче фидакарьләргә без рәхмәтле булырга тиеш. Барысы да беренче чиратта үз сәламәтлекләрен куркыныч астына куеп хезмәт итә бүгенге көндә.
-
Аһ, син коронавирус!..
Соңгы ике атна эчендә булган югалтулар ачысына чыдарлык түгел дип башлыйсы килә сүземне. Бөтен тәннәрне сызландырып, йөрәкне мең төрле кисәкләргә бүлгәләп, күңелне айкап көн саен күздән ачы яшь ага. 3 июнь көнне Алексеевск районы Югары Татар Майнасы авылында гомер иткән иң кадерле кешемне – әниемне югалттым. Ул мәңгелеккә кайтып булмый торган җиргә китеп барды.
-
Лиза, кайт!
Икенче яртыеллыкка матбугатка язылу башланды. Һәм без кабат, кем әйтмешли, былтыргы «А»га килеп төртелдек. Сүзебез тагын почта бүлекләренең эшчәнлеге хакында. Узган ел Күзкәйдә почта булмау проблемасын халык белән, хужалык, авыл жирлеге җитәкчелелэре белән бергәләшеп хәл итеп кенә бетергән идек, быел Бикләндә шул хәл. Почта бүлегенең эше тукталды. Сәбәбе нидә? Бу сорауга җавап эзләү өчен без Бикләнгә юл тоттык.
-
София Краснова өчен «Туганайлар» җан ата
«Йолдызлы чәкчәк» проектының быелгы сайлап алу турында Борды авылыннан София Краснова да финалга чыкты. Чәкчәк – татар халкының милли ризыгы, аны пешерүче осталар арасында да без, нигездә, татар хатын-кызларын күрергә күнеккән. Ә Борды – керәшен авылы, София Краснова да керәшен кызы. Шуңадыр, бордылылар өчен авылдашларының финалга үтүе олы вакыйгага әверелде. Чөнки София Алексеевна бу бәйгедә иң элек үз авылын тәкъдим итәчәк, аны танытачак. Бу горурлык түгелмени!
-
«Җырлыйк әле» килә!
Аларны кая гына барсалар да, «Җырлыйк әле» килә дип каршы алалар. Сүзебез ТНВ каналында «Җырлыйк әле» тапшыруын алып баручылар – Алинә һәм Азат Кәримовлар турында. Әлеге матур пар безнең быелгы «Йолдызлы чәкчәк» шоу-тамашасы кунаклары булачак.
-
Тагы да «кызу» булачак
Узган ел районда үткәрелгән «Йолдызлы чәкчәк» бәйгесе бик күпләрдә зур кызыксыну уятты. Бәйрәм хакындагы уңай һәм матур фикерләр республиканың башка районнарына да тиз арада таралды. Бу, әлбәттә инде, бәйгенең киләчәге, дәвамы бар, географиясе киңәячәк дигән сүз. Шуңа күрә без быелгы бәйгене республика күләмендә үткәрергә булдык. Быел ул ТАССРның 100 еллыгына багышлана.
-
Рәсим Шәйхаттаров: «Мин йөгерәм, минем арттан башкалар йөгерә...»
Бу дөньяга һәркем үз язмышы белән килә. Кемгәдер Аллаһы Тәгалә күпләп акыл-талант, кемгәдер искиткеч кыяфәт, кемгәдер ул мулдан лидерлык сыйфатларын бирә. Шушы сыйфатларның берьюлы барысын да үзендә туплаган кешеләр дә бар. Районыбызда танылган шәхес, «Ярыш» җаваплылыгы чикле җәмгыяте җитәкчесе Рәсим Мансур улы Шәйхаттаров шундыйлардан. Дистә еллар инде аның һәр көне иртә таңнан аягына итек киеп, басу-кырларны әйләнеп кайтудан башлана. Шундый олы хуҗалык белән җитәкчелек иткәч, әлбәттә инде, син башкалардан алдарак йөрергә, барысын да белеп, үз күзләрең белән күреп торырга тиеш, ди ул. Эшне оештыра белү, кешеләр күңеленә юл табу – шулдыр ул лидер кешенең мөһим сыйфатлары. Юкка гына аның турында яратып, Җир улы ул, димиләр.
-
Бар хикмәт олы йөрәкле булуда
Ачык йөзле, тәмле сүзле, үзенә тартып торучы кешеләр бик сирәк алар. Ә дөньяның төрле ягын күреп, тормышның ачысын-төчесен татып, утлар-сулар кичеп, тормышның, һәр көннең, һәр мизгелнең, туганнар-якыннарның һәм иң затлысы – икмәкнең чын-чынлап кадерен белеп яшәгән өлкән кешеләр – ветераннарыбыз исә елдан-ел сирәгәя бара. Шундый олуг хөрмәткә лаек ветераннарның берсе – Биклән авылыннан Мөнирә Бәхтегәрәй кызы Бәхтегәрәева. Ул 2019 елны үзенең зур юбилеен каршы алу тантанасы белән тәмамлады. Яңа елга бер көн кала ул 95 яшен тутырды. Шундый авырлыклар кичеп, дошман белән күзгә-күз очрашып та, бу яшькә җитү ул зур могҗизага тиң, әлбәттә.
-
Тукай чәкчәгенә гимн
Менә тагын Яңа елга аяк бастык. Һәркайсыбыз үтеп баручы елга нәтиҗәләр ясый, алдагы елга планнар кора, яңа идеяләр белән яна. Үтеп баручы ел нинди уңышлары белән сөендерде, тормышыбызга нинди яңалыклар кертте, нинди җитешсезлекләр булды, көнкүрешебезне яхшырту, хезмәтебезне нәтиҗәле итү өчен без ниләр эшләдек – менә шулар хакында уйланабыз.
-
Китап язарлык гомер
Үз гомерендә күпне күргән, күпне кичергән кешеләр язмышы турында укырга яратабыз. Ә андыйлар безнең янәшәбездә дә бик күп бит. Кайсыдыр бәхетле, кайсыдыр үкенечле гомер кичерә. Аллаһы тарафыннан бирелгән язмышына риза булып яшәүчеләр дә күп. Дөньяда никадәр кеше булса, шулкадәр язмыш. Бу язмабызда исә сүзебез Ходай биргән гомеренә шөкер итеп яшәүче Мөстәбширә Гайнан кызы Гыйлманова турында булыр. Мөстәбширә апа турында язуыбыз очраклы түгел. Ул безнең редакция үткәргән «Әнием белән фото» бәйгесендә укучыларыбыз тарафыннан иң күп тавыш туплаган иде. Вәгъдә ителгән бүләк – җиңүчене газета битләрендә күрсәтү.
-
Күзкәйлеләргә өмет зурдан
Почта эшчәнлеген өйрәнү буенча район авылларына сәфәрләребез дәвам итә. Чираттагы шундый очрашу районның иң төзек, иң матур авылларының берсендә – Күзкәйдә үтте.
-
Тукай районы мине таң калдырды
Татарстанның халык артисты Хәмдүнә Тимергалиева үзенең 70 яшен тутырды. Аның сәхнәгә чыгуына 50 ел. Татар сәнгатен үстерүгә, дөньяга танытуга, халык җырларын саклап калып, буыннан-буынга тапшыруда аның өлеше бәяләп бетергесез. Моның өчен, беренче чиратта, чын талант булырга, халык күңеленә ачкыч таба белергә кирәк. Әлбәттә инде, намуслы булырга, чын тавыш, моңлы тавыш белән халык мәхәббәтен казанып хезмәт итәргә кирәк. Хәмдүнә апа нәкъ шундыйлардан. Аны таныган, яраткан халкына рәхмәтле ул. Соңгы араларда ул безнең редакциягә дә якынайды. Тукай районында без уздырган бәйрәмнәрнең күркәм бизәге булып алды. Без аның тормышы, тормышка карашы турында да байтак нәрсәләр белдек. Тимергалиева Хәмдүнә Сәетгали кызы сугыштан соң туган бала. Башкортстанның Борай районы Котлыяр исемле кечкенә татар авылында дөньяга килә. Мәктәпне тәмамлагач, Уфа телефон элемтәсе станциясендә монтажчы булып эшли. Соңрак музыка училищесына укырга керә. 1971 елда Казан татар филармониясенә эшкә килә. 1987 елга кадәр шунда эшли. «Гармун моңнары» дигән беренче җырын ул Эмиль Җәләлетдинов төркемендә эшләгәндә башкара. Моңы һәм көчле тавышы белән тиз арада тамашачы күңелен яулап ала. 1987 елда Татарстанның атказанган, 1992 елда халык артисты исемнәренә лаек була. Аның репертуарында 1000ләп җыр бар. Нигездә, татар халык җырлары.