Бәрәңге Россиядә ел дәвамында иң нык арзанайган продукт булды
Россия кибетләрендә бәясе төшкән яшелчәләр арасында беренчелек бәрәңгегә бирелгән.
«Руспродсоюз» белгечләре РИА Новости өчен ясаган исәпләүләрендә күренгәнчә, быелның апрель уртасында «икенче икмәк» узган елгы бәяләр белән чагыштырганда өчтән бер өлешкә диярлек очсызланган.Ассоциация вәкилләре ачыклык керткәнчә, 2026 елның апрель ахырына бәрәңге бәясе узган елгы күрсәткечләрдән 32,4%ка түбәнрәк. Шуңа күрә ул илдәге иң нык арзанайган продукт булып саналды да инде.
Бәрәңгедән тыш, сатып алучыларны башка яшелчәләрнең бәясе дә сөендерә: кәбестә — 29,3%ка; чөгендер — 20,1%ка; суган — 17,9%ка арзанайган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев