7–9 мартта эшләүчеләргә икеләтә хак түләнәчәк: юрист хезмәткәрләрнең хокукларын искәртте
Халыкара хатын-кызлар көне уңаеннан билгеләнгән озын ялларда эшләргә туры килүчеләр арттырылган түләүгә өмет итә ала. HeadHunter сервисы юристы Александр Кузнецов аңлатуынча, канун буенча бәйрәм көннәрендәге хезмәт икеләтә күләмдә бәяләнергә тиеш, ә эш бирүче түләүне үз белдеге белән отгулга алыштырырга хокуклы түгел.
HeadHunter сервисы юристы Александр Кузнецов искәртүенчә: бәйрәм көннәрендә хезмәткәрләрнең эше арттырылган тариф буенча түләнергә тиеш. Бу – Халыкара хатын-кызлар көне уңаеннан ял итә торган 7- 9 март көннәренә карый, дип хәбәр итә «РИА Новости».
Канун буенча бәйрәм көннәрендә эш икеләтә күләмдә түләнә. Шул ук вакытта хезмәткәр альтернатив компенсацияне сайлый ала. Кузнецов билгеләп үткәнчә, әгәр эш бирүче хезмәт хакы сакланмаган өстәмә ял көне бирә икән, хезмәткәр бәйрәм көненә гадәти түләүне кабул итә ала.
Әмма арттырылган түләүне өстәмә ял көне белән алыштыру турында карарны бары тик хезмәткәр үзе генә кабул итә ала. Эш бирүченең мондый вариантны үз белдеге белән алыштырырга хокукы юк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев