Җәза каты

Юл йөрү кагыйдәләрен бозган өчен штрафларны вакытында түләмәүчеләргә карата быел 5 ай эчендә район ЮХИДИ инспекторлары 205 эш төзегән - административ штраф карар үз көченә кергәннән соң 60 көн эчендә түләнергә тиеш. Түләү башкарылмаса, беркетмә төзегән орган икенче көнне үк эшне суд приставларына җибәрә. КоАПның 20.25 маддәсе 1 өлеше нигезендә, штрафын вакытында түләмәүчеләргә сумма икеләтә арттырыла яки закон бозучы 15 тәүлеккә кадәр кулга алына, яисә 50 сәгатькә кадәр мәҗбүри эшләргә тартыла. Болардан тыш, беренче салынган штраф тулы күләмдә түләтелә. Район буенча ЮХИДИ бүлеге юл хәрәкәтендә катнашучылардан кагыйдәләрне үтәп йөрүләрен, штрафка тартылганнар икән - вакытында түләүләрен сорый. 20 көн эчендә өлгерсәң, сумманың яртысын гына түләү мөмкинлеген истән чыгармаска чакыра.