Таныклыктан мәхрүм ителү срогы аны тапшырган көннән башлана

Машина йөртү хокукыннан мәхрүм ителгәннән соң таныклыкны тапшырмыйча йөрүчеләр күп. Суд карар чыгарды, мәхрүм ителү срогы болай да шул көннән башланды, дип ялгышалар андыйлар. Шулай итеп, йөртүчеләр бу адымнары белән үзләренең хәлен тагы да катлауландыралар гына, чөнки машина йөртү хокукыннан мәхрүм ителү срогы суд бу турыда карар чыгарган көннән түгел, праваны автоинспекциягә китереп тапшырган көннән башлана. Документ суд карары үз көченә кергәннән соң өч көн эчендә ЮХИДИ бүлегенә китерелергә тиеш. Таныклык югалган очракта, шулай ук өч көн эчендә бу турыда гариза язылырга тиеш, дип белдерәләр район буенча ЮХИДИ бүлегеннән.