Штрафлар турындагы мәгълүматны электрон почтага алу уңайлы

Юл йөрү кагыйдәләрен бозган өчен автомат режимда эшләүче камералар аша билгеләнгән штрафлар турында мәгълүмат алуның иң тиз ысулы - административ беркетмәләрнең күчермәләрен электрон почтага алу.

Күчермәләрне электрон юл белән алу түләнмәгән штрафлар турында онлайн-режимда белергә ярдәм итә. Бу очракта штрафны 20 көн эчендә 50 процент ташлама белән түләп өлгерү мөмкинлеге дә зуррак була. Билгеләнгән сумманың яртысын гына түләү КоАПның 32.2 маддәсе 1.3 өлеше кысаларында расланган.

Почтагызга электрон хатлар килсен өчен www.gibdd.tatarstan.ru сайтында «В помощь водителю» бүлегенә кереп, гариза язарга, аннары аны һәм ИНН, транспорт чарасын теркәү документы күчермәләрен ТР буенча ЮХИДИ идарәсенә (Казан шәһәре, Оренбург тракты, 5нче йорт, 1-10 кабинетлар) юлларга кирәк.