Куркынычсызлык каешын такмаучыларны ачыклыйлар

14 сентябрьдә чираттагы «Тоннель» чарасында район ЮХИДИ инспекторлары төп игътибарларын куркынычсызлык каешын такмаучыларны ачыклауга юнәлтәчәк. Ул көнне иминлек саклаучылар Яр Чаллы - Сарман трассасының дүртенче километрында торачак.

Узган атнада Яр Чаллы - Зәй трассасының Круглое Поле янында үткән чарада инспекторлар юл йөрү кагыйдәләрен бозуның 16 очрагын теркәгәннәр иде. Шулардан 5 беркетмә куркынычсызлык каешын такмаучыларга карата төзелде. 9 сентябрьдә үткән профилактик рейдта исә каешны санга сукмаган 12 кешегә штраф салынды. Юл йөрүнең әлеге кагыйдәсен үтәмәүчеләргә штраф 1000 сумны тәшкил итә.