Каеш такмаучыларны ачыклыйлар

26 декабрь көнне Яр Чаллы - Сарман трассасының дүртенче километрында чираттагы «Тоннель» операциясе үтәчәк. Район ЮХИДИ хезмәткәрләре анда иртәнге сәгать 6.30дан 9.30га кадәр машина йөртүчеләрнең юл йөрү кагыйдәләрен үтәүләрен тикшерәчәк. Инспекторлар автомобильчеләрнең куркынычсызлык каешын эләктерүләренә аерата игътибар бирәчәк. Кызганычка, юл йөрүнең әлеге кагыйдәсен санга сукмаучылар аз түгел. Мәсәлән, 12 декабрьдәге профилактик рейдта ачыкланган 51 хокук бозуның 9ы нәкъ шуңа кагыла. Искә төшерәбез: куркынычсызлык каешын такмаучыларга штраф күләме 1000 сумны тәшкил итә.