Иминият полисыннан башка йөрүчеләр күп

«Тоннель» дип аталган чираттагы рейдта район ЮХИДИ хезмәткәрләре юл йөрү кагыйдәләрен бозучыларга карата 85 административ беркетмә төзеделәр. Бу юлы алар Яр Чаллы - Сарман трассасында, Яр Чаллы - Водозабор, Яр Чаллы - Боерган юлларында, Кече Шилнә, Олы Шилнә, Ильбухтино, Игенче, Калмия авылларында булдылар, дип хәбәр итә бүлек башлыгы Шамил Ганиев. Беркетмәләрнең иң күбе иминият полисы булмауга кагыла. Андый йөртүчеләр 23 булган. Куркынычсызлык каешын эләктермәгән 18 кеше тоткарланган.

фото region.metronews.ru