Юбилей алдыннан анкеталар тутырыла

Киләсе елның 15 февралендә Әфган сугышы тәмамлануның 30 еллык юбилеен билгеләп үтү кысаларында, Татарстан Республикасында «Әфган сугышында (1979-1989) катнашучылар турында Хәтер китабы»н чыгаруга әзерлек башланды. Әлеге чара Президент Рөстәм Миңнеханов башлангычы белән оештырыла. Районда да бу сугышта башын салган яки кайткач дөнья куйган сугышчы-интернационалистлар саны аз түгел. Хәтерне саклау, аларның исемен мәңгеләштерү йөзеннән районның сугыш хәрәкәтләре ветераннары иҗтимагый оешмасы китапханәләр системасы белән берлектә Әфган сугышында үлеп калган яки кайткач гомере өзелгән солдатлар турында мәгълүматлар туплый, аларның гаиләләре белән анкеталар тутыра, дип хәбәр итә иҗтимагый оешма җитәкчесе Айбулат Якупов.