Яңа банкнотларга символлар өчен тавыш бирүнең финал этабы бара

Россия Банкының 200 һәм 2000 сумлык яңа банкнотларына символлар өчен тавыш бирүнең финал этабы бара. Татарстанның ике символы - Казан (Идел буе) федераль университеты һәм Казан Кремле сайлап алуның ике этабын үттеләр. Финал этабына 7 октябрьдә нәтиҗә ясалачак. Хәзергә Казан шәһәренең символлары тавыш бирү буенча бишенче урында. Алар өчен 15 сентябрьгә 90 мең 080 кеше тавыш биргән. Беренче урында Волгоград, аннан соң Севастополь, Иркутск, Ерак Көнчыгыш килә. Символлар өчен әле бүген дә үз фикереңне белдерергә соң түгел. Иң лаеклы дип табылган ике претендентны - Казан һәм башка шәһәрне сайлап тавыш бирергә кирәк.