Волонтерлар «Шәфкать” үзәгендә флешмоб – күмәк бию оештырды

"Язгы мәрхәмәт атнасы - "МӘРХӘМӘТЛЕТАТАРСТАН" мәрхәмәтле эшләр эстафетасы кысаларында 20 апрель көнне Тукай районының «Шәфкать" үзәгендә шушы ук исемдәге акция старт алды. «М.И.Г.»(Молодость.Инициатива.Готовность.) отрядыннан волонтерлар флешмоб - күмәк бию оештырды.

Залда алар белән бергә "Яхшы кәеф" дип аталган биюне аз керемле, күп балалы гаиләләрдә тәрбияләнүче малайлар-кызлар да башкарды.Чараның максаты - яшьләр арасында үз ирегең белән җәмгыять эшендә катнашуны популярлаштыру , җәмгыять өчен мөһим чараларны тормышка ашыруга яшьләрне җәлеп итү. Тукай районында яшәүче егетләр -кызларның игътибарын элеге акциягә юнәлтүөчен флешмобтан фотолар социаль челтәрләрдә дә урнаштырылды. "МӘРХӘМӘТЛЕТАТАРСТАН" атнасы дәвамында яшьләр "Чиста һәйкәл", "Георгий тасмасы", "Ветераннарның чиста ишегаллары", "Җиңү сирене" һ.б. акцияләрне үткәрүне дә планлаштыра.