Урактан медиклар да читтә калмаячак

Хакимияттә үткән киңәшмәдә район башлыгы Васил Хаҗиев: «Урып-җыю бүгенге көндә һәр тармакның күз уңында булырга тиеш», - диде. Бу мөһим кампания санаулы көннәрдә үтә. Бар көчне, булган бар мөмкинлекне эшкә җигәргә кирәк. Болар турыдан-туры урып җыюда катнашучыларга гына түгел, һәрберебезгә кагыла. Уракта, елдагыча, өлкән яшьтәгеләр дә, укучы балалар да катнашачак. Техникада эшләүче игенчеләр янына табиблар да киләчәк. Район мәдәният бүлегенә агитбригадалар оештыру һәм аларны кыр станнарына чыгару бурычы куелды.