Тукай районында тоташ яңгыр ява

Бүген иртән һава торышы яхшы гына торса да, төшкә таба күк йөзен болытлар каплап алды. һәм яңгыр туктар дигән өмет тә күренми - шимбә һәм якшәмбе көннәрендә дә синоптиклар яңгыр вәгъдә итә. әлбәттә, ял көннәренә бакча эшләре, бәрәңге алу планлаштырып куйган тукайлыларны бу пошаманга калдырды. Тик алда әбиләр чуагы көткәнлеген истән чыгармыйк. Авыл хуҗалыгы хезмәтчәннәре дә, һава торышы бозылу сәбәпле, икмәк җыю эшләрен калдырып торырга мәҗбүр.