Тукай районында мөнәҗәт башкаручылар җыелачак

2 октябрь көнне Калмаш авылының мәдәният йортында "Мөнәҗәт кичәсе" үткәреләчәк. Бу чара Халыкара өлкәннәр көненә багышлана. Тукай районында мондый кичә инде дүртенче тапкыр уза, быелгы бәйрәмнең үзенчәлеге - анда күрше-тирә районнардан да катнашучылар килүе көтелә. Гадәттәгечә, анда теләге булган һәркем катнаша ала, яшь буенча чикләүләр юк. Моның өчен районның мәдәният бүлегенә мөрәҗәгать итәргә кирәк. Тукай районының имам-мөхтәсибе Җәүдәт хәзрзт Харрасов хәбәр итүенчә, иң үзенчәлекле башкаручыларга мөхтәсибәт махсус бүләкләр әзерли.

Фотода:2014 елда үткәрелгән "Мөнәҗәт кичәсе"