Тукай районы Иске Абдул авыл җирлеге Советы депутаты сайланды

Сентябрь аеның икенче якшәмбесендә уза торган Россиякүләм бердәм сайлау көнендә - 10 сентябрьдә Татарстан Республикасы Тукай муниципаль районының 5 нче округы буенча өченче чакырылыш Иске Абдул авыл җирлеге Советы депутатын сайлау узды.

Территориаль сайлау комиссиясе рәисе Валентина Игнатьева хәбәр иткәнчә, сайлауда барлык тавыш бирүчеләрнең 90,72 проценты катнашкан һәм, 97,73 процент тавыш җыеп, авыл җирлеге депутаты итеп Рөстәм Шәрәфиәхмәт улы Әхмәтҗанов сайланган. Аның көндәше Дмитрий Александрович Барсагаевка сайлаучыларның 2,27 проценты тавыш биргән.