Төзелеш вагончыгы янды

Февральнең икенче көнендә Яр Чаллы - Сарман трассасының сигезенче километрында урнашкан "Пегаз" ягулык салу станциясе территориясендәге төзелеш вагончыгында янгын чыкты. Ут сүндерүчеләр аның эченнән ир-ат мәетен чыгардылар. Чаллыда яшәүче, тәртипсез тормыш рәвеше алып баручы 60 яшьләр тирәсендәге бу ир-ат ул көнне исерек килеш вагон эченә кереп тәмәке тарткан һәм йоклап киткән. Сүндерелми калган төпчек ут чыгуга сәбәп булган, дип хәбәр итә район буенча күзәтчелек бүлегенең өлкән инспекторы Альберт Төхвәтуллин.