Теләнче Тамак авылы кибетендә бүләкләр тараттылар

Теләнче Тамак авылы кибетендә авыл халкы өчен бик кызыклы уен уздырдылар. 1000 сумнан артык бәягә әйбер алучыларга бүләк тараттылар. Исемнәрне язып тартмага салганнан соң, сабый кулы белән җиңүчеләрнең исемен тартып чыгарганнар. Беренче урынга электр чәйнеге, икенче урынга җылы юрган, өченче урынга түшәк тышлары бирелгән. Шулай ук бирегә авыл халкының күңелен күрер өчен Кыш бабай һәм Кар кызы килгән. Балалар рәхәтләнеп әйлән-бәйлән уйнаганнар, шигырьләр сөйләп татлы күчтәнәчләр алдылар.