Татлы тамырның һәр гектарыннан уртача 300 центнер уңыш чыга. Республикада бу иң югары күрсәткеч

Авыл хуҗалыгы һәм азык-төлек идарәсеннән 6 сентябрьгә алынган мәгълүматларга караганда, районда көзге чәчү 91 процентка башкарылган. 13595 гектар мәйданның 12 мең гектардан артыгы чәчелгән. Шулай ук хуҗалыкларда шикәр чөгендере, кәбестә алу дәвам итә. 36 мең тоннадан артык шикәр чөгендере алынган. Гектарыннан уңыш 300 центнердан артык. Республика буенча бу иң югары күрсәткеч. Авыл хуҗалыгы оешмаларында силоска кукуруз алу эшләре дә оешкан төстә бара. Бүгенге көндә 15 мең тоннадан артык силос әзерләнгән. Корылык белән бәйле рәвештә, язгы чәчү өчен туфрак эшкәртү эшләре авыр бара: пландагы мәйданның 36 проценты гына эшкәртелгән. Район хуҗалыкларында терлекләрне кышлату өчен биналарны әзерләү эшләре төгәлләнеп килә.