«Татар халык курчагы» бәйгесендә катнашырга ашык

Районда «Татар халык курчагы» дип исемләнгән районкүләм күргәзмә-бәйгесе бара. Татар милләте мәдәниятен, халык иҗатын саклап калу, туган як, татар халкы тарихына кызыксыну уятуга, яңа сәләтләр ачуга һәм башка төрле максатлар белән оештырылган әлеге бәйге ике этаптан тора. Сайлап алу этабы 2-8 ноябрь көннәрендә районның мәдәният, белем бирү учрежденияләрендә үтә. Бәйгенең II этабы, финал өлеше ноябрьдә, Чаллы шәһәренең «Энергетик» мәдәният сараенда районкүләм «Чишмә башы» («Истоки») фольклор смотр-конкурсының финал туры кысаларында узачак. Җиңүчеләр алты номинациядә билгеләнеп, Дипломнар, истәлекле призлар белән бүләкләнәчәк.