Шилнәбаш сабыйлары экологик чарада катнаштылар

«Урман атналыгы-2017» акциясе кысаларында Шилнәбаш авылының «Тополек» балалар бакчасында «Урман юллары буйлап» дип исемләнгән экологик чара уздырылды. Хәзерлек төркеменә йөрүче сабыйлар белән махсус экологик әңгәмә оештырылды. Алар урман, җәнлекләр, кош-кортлар турындагы сорауларга җаваплар эзләделәр. Балалар чарада шулай ук урманда үзеңне ничек тотарга, нинди кагыйдәләр үтәргә кирәклеген дә белделәр. Төркемнең тәрбиячесе Елена Ванюшина кабаттан сабыйлардан сорау алды, балалар белемнәрен ныгытып куйдылар, дип яза редакциябезнең электрон почтасына (yakti.ul76@gmail.com) Шилнәбаш авылының китапханә мөдире Нурзилә Бариева.