Шилнәбаш балалары машина йөртүчеләргә хат яздылар

Язгы каникуллар алдыннан район ЮХИДИ бүлеге башлыгы Шамил Ганиев һәм юл хәрәкәте куркынычсызлыгын кисәтү бүлеге башлыгы Резедә Гыйльметдинова Шилнәбаш мәктәбенә кунакка килделәр. Автоинспекторлар балаларга юл йөрү кагыйдәләрен искә төшерделәр. Аерата автомобиль юллары яныннан хәрәкәт итү, юл аша чыгу таләпләренә тукталдылар, киемдә яктылык кайтаргыч элементлар куллануның кирәклеген ассызыкладылар.

Чара ахырында юл хәрәкәте иминлеген саклаучы яшь инспекторлар ЮХИДИ хезмәткәрләре озатуында мәктәп янындагы юлга чыктылар. Алар «Машина йөртүчегә хат» акциясе кысаларында әзерләнгән хатларын йөртүчеләргә тапшырдылар, дип хәбәр итә мәктәп директорының тәрбия эшләре буенча урынбасары Екатерина Червякова.