Россия әләмнәре ясалды, мастер-класслар, викториналар үтте

Иске Җирекле авылының «Дуслык» күпфункцияле үзәгендә балалар тоздан рәсемнәр ясады. Шулай ук бәйгеләрдә катнаштылар, веломарафон да үткәрделәр. Мондый чаралар Күзкәй, Түбән Суыксу, Калмия, Бәтке, Мусабай-Завод, Кече Шилнә авылларында да үткәрелде. Балалар үз куллары белән Россия әләмнәре, төрледән-төрле открыткалар ясадылар, соңыннан аларны урам буйлап таратып йөрделәр, бәйрәм белән котладылар. Моннан тыш райондашларыбыз өчен бу көнне кызыклы мастер-класслар, викториналар да үткәрелде. Әйтик, Боерган авылының «Акчарлак» күпфункцияле үзәгендә Россия дәүләте турында документаль фильм күрсәтелде. Балалар өчен «тәмле» турнир да оештырылды (тәмле кәнфитләр белән шашка уенын уйнау), татар халык уеннары уйнатылды. Сабыйлар бик рәхәтләнеп асфальтка рәсемнәр дә ясадылар.