Районга Россия Дәүләт Думасы депутаты Марат Бариев эшлекле сәфәр белән килде

Чәршәмбе көнне районга Россия Федерациясенең Дәүләт Думасы депутаты Марат Бариев килде. Марат Мансур улы эшлекле сәфәре кысаларында, район башлыгы Васил Хаҗиев, аның урынбасары Рөстәм Закиров белән очрашты. Шулай ук депутат Яңа поселогы мәктәбендә булды һәм педагогик коллектив белән күрешеп, сөйләшү алып барды. Моннан кала Россия Дәүләт Думасы депутаты «Гигант» хуҗалыгының терлекчелек комплексында булды, хуҗалык җитәкчесе Риф Имамов белән очрашты, ындыр табагында барган эшләр белән дә танышты. Депутат белән очрашуга хуҗалык хезмәтчәннәре күпләп килгән иде.