Районда диспансеризация авыл җирлекләрендә дә үткәрелә

Иске Җирекле авылында күчмә диспансеризация хезмәте халыкка медицина тикшерүе уздырды. Әгәр кешенең яше быел 3кә бүленә икән, димәк диспансеризация елы. Нәкъ менә шушындый планлы тикшерү вакытында организмдагы яшерен эчке авырулар ачыклана. Ә чирне башлангыч стадиясендә дәвалау - ул савыгуның нигезе булып тора.

Иске Җирекле авылы халкы диспансеризацияне узган һәм медицина хезмәтенең үз җирлекләренә килүеннән бик канәгать калган, дип хәбәр итте безгә Иске Җирекле авылы мәдәният йорты җитәкчесе Гөлназ Зарипова.