Район башлыгы Васил Хаҗиев эшеннән китә

Бүген район Советының чираттан тыш утырышы уза. Анда ТР Премьер-министры Алексей Песошинның килүе көтелә. Сессиядә Тукай муниципаль районы башлыгы Васил Хаҗиевның үз теләге белән эштән китүен сораган гаризасы каралачак. Искә төшерәбез, Васил Гариф улы әлеге вазифада 2010 елның җәеннән эшләде. Бу урынга моңа кадәр Актаныш муниципаль районы башлыгы булып эшләгән Фаил Камаевның килүе көтелә. Ул Тукай районындагы эшен Башкарма комитет җитәкчесенең төзелеш буенча урынбасары вазифасында башлаячак.