Өлкәннәрнең хәлләрен белештеләр

Шушы көннәрдә район ветераннар советы һәм инвалидлар оешмасы җитәкчесе Галимҗан Зарипов, шулай ук Кнәз авыл җирлегенең ветераннар советы рәисе Мәдинә Сабирова өйдә генә тәрбияләнүче хөрмәтле өлкәннәр янында булып кайттылар. Алар Чыршылы авылында гомер итүче хезмәт ветераны Хәлимә Насеева һәм «Татарстан» совхозы поселогында яшәүче I төркем инвалид Виктор Будкинның хәлләрен белештеләр, бүләккә дип алып килгән, кечкенә генә күчтәнәчләрен тапшырдылар. Өлкәннәрнең бик күңелләре булды, дип язалар безгә Кнәз авыл җирлегеннән.