Куркынычсызлык каешын такмыйча йөрүчеләр күп тоткарланды

Район ЮХИДИ инспекторларының үткәрелгән чираттагы рейдында юл йөрү кагыйдәләрен бозучыларга карата барысы 68 административ беркетмә төзелде. Аның 33е куркынычсызлык каешын такмаган өчен язылды. 10 беркетмә автомобильнең дәүләт номерлары укылмаган өчен, 10ысы иминият полисы булмаган өчен, 5есе ярамаган урында каршы юнәлештәге полосага чыккан өчен, берешәр беркетмә документсыз йөргән, баланы махсус утыргычсыз алып барган, штрафны вакытында түләмәгән, тәрәзәне тиешледән артык каралткан, транспортның техник торышы тиешле таләпләргә туры килмәгән өчен төзелде.