Круглое Поле поселогы халкы сайлауларга иртәдән үк актив рәвештә килә

Сәгать иртәнге 8гә үк Круглое Поле поселогында урнашкан 2644нче сайлау участогына халык күпләп агыла башлады. «Барысы бергә безнең участокта 1109 кеше теркәлгән. Хәзергә исә шуның 300е үз тавышларын бирергә өлгерде инде. Халыкның кәефе күтәренке, сайлауларга бик теләп киләләр, аннары бит һава торышының да әйбәт торуы күңелләргә ниндидер җылылык бирә. Гадәттәгечә, Круглое Поле поселогы халкы сайлауларга иртәдән үк йөри. Бөтен кеше дә әлеге кампаниянең никадәре мөһим булуын аңлый», - диде безгә телефон аша Круглое Поле поселогында урнашкан сайлау участогы рәисе Айгөл Антонова.